Bodu-swpw aguñ

Qunu Tanw hw ayu hokw aco-amyo, nwsiñ-nwmañ, kwdi-yapuñ mi duhiñ gwla miyu-mima sañkiñdo hwla du. Swnyañ-swlo ya roqe milo qunu bodu-swpw pwgo mi lukiñ lyiho tanw aguñ pa ludvr lamapa lyite tado. Hopa ayu hokwka miji-miguñ hoka lunwñ mwlañ mi qunu cindo koda ayakeñdo.

Ange                          : Fertility

Bidu-bixañ                 : Bamboo varieties

Bodu-swpw               : Environment

Bodu-swpw da’gu     : Climate change

Bwnw-milo sañju      : Lifestyle

Dwbw-dilyo              : Soil

Elyañ-sai                    : Cross

Gañda swko               : Land

Habw                          : State

Kortw                          : Capital

Lutw-gwra                   : Grazing ground

Mwdo-yasi                   : Weather/climate

Myolyañ                       : Plain area

Punu-hwro                    : Cultivate area/groves

Pwmw-tako rinwñ        : Education

Saa-swlo                       : River

Swcañ-harbw                : Lap of earth

Swcañ-mwdo                : Universe

Swcañ-piñto                  : Earth

Swgañ-swli                    : Streams

Swko                              : District

Swmi                              : Sea/big lake

Swlo Ziro

Pogo diñji' mi duñxo;
Nikuñ-niya sañkor taxo;
Pogo sanw nwdw;
Polyañ yapa padw.


Polyañ aju-amyo lyiqe pahe;
Pogo ahí-ari turla' pahe;
Lebu harma, panw pwta myodi;
Sado xe'ma, pago hime gyañbo.

Pogo lwbañ koya;
Polyañ cigo neya;
Miki lwpiñ pire;

Migiñ lyiha xere.

Tero bila hime cima mi;
Pona hola aki cima mi;
Kwmiñ talo mi donyi lwla;
Sa ciri mi wmu hala.

(K. Challa)

Nago Putu

Bwrw leñba mi iñpo bwla sanw arpu ho jojo mwlyo kwdi pyaro pyare do. Pwsa atu dinwñ leñbo pace-pace pa dugur bwdu. Swka leñbo si more lohe ape’ pa’do. Swka kwdisi Tanw atañka dutu duko hwnwñ hw masuyuha hwla qo heñdo. 

Qwka henwñ hw jije pado hwla luko donw cikañpa pwsa sanw arpu jaho kwdi hapa pyare do. Swka kwdi mi Nago Putu hwla ludu. Si biloka Supuñ Nago doko masuyuha hwla qo heñdo. Hwla-hwlama hwla ayapa tadvr lama. 

Swka kwdisi bilo nw mwko swtw kujalo, sisipa Ziro-Hapoli ka ru-xa adu-abiñ ko hokw roqe-roqe iñpa gwko pa ayado.


(Swka digo mi English pa so puri lakiñdo).