Ziro ho sisi haru-harbya gañda abu nyikuma. Ziro Putu hw
1972 Bangladesh Camyo ho armi atañ ira kukele Ziro sitañ hwla kagiñ nanw pa
donw ho sisi poñsa-poñsa ude adiñ donya bwdoku. Ayu ho Laliñ Yalu duko Dutta
Papw hwtvr ace-ahe doku. Bilopa kapyoja ganda Tadu Dobi ho sisi simiñti adiñ
hokw punwñ school ude dobwdoku.
Dogiñ Nanw hw sisi jalopa bilo cikañ haru-barbya dosu dorañ.
Swka sw lutw simi bilo qunu hime ho penw ilyiho iñpobwto. Bilo cikañpa sisijalo
swka gañda hw sw lutw pa dosu dorañ.
Dogiñ Nanw ka xoñcañ ako ho aya kago-tahu japa Yapuñ Yapvr
hwla yalañ puro-puro poqe dubwdo. Swka atañ si nwtañpa duritw hwla miguñ tadvr
lakuma, hojalo Yapuñ lako dwke hwla hime atañ mi hwka aruñ ho ayo hwla lune.
Jijehw nwtañpa dosudokujalo, Dogiñ Nanw nyi Yapuñ Yapvr nyi
Ziro ho kago-tahu japa do.
(Swka digo simi English pa puri dupa so teñto.)
(Swka digo simi English pa puri dupa so teñto.)
Ano Aya doh.swka blog simi katu pa kapa bwdu, aya ketw.
ReplyDelete@ Anu Tara, Aro paco no kaka twnw. So qo keju mi ice kegu la keke bwdu. No roq koda kadvr bwdu do: ch=c; kh=x; ng=q. W nyimi V nyimi Galo nyika Nyishi nyika mwko ho mwbo mwka bwdu. Nwtañ keñdope nunu mwlañ keka kalo.
ReplyDelete